এই মুহূৰ্তৰ পৰাই তোমাৰ কথা ভাবিম
এই মুহূৰ্তৰ পৰাই তোমাৰ কথা ভাবিম।
======================
এই মুহূর্তৰ পৰাই
তোমাৰ কথা ভাবিম
নিঃসংগতাক আঁতৰাই
তোমাৰ সতে কথা পাতিম
প্ৰতিটো পুৱা আৰু সন্ধিয়া ।
তোমাৰ কথা ভাবিলেই
পুলকিত হৈ পৰে মন
ইচ্ছা হয় প্ৰতিটো সন্ধিয়া
তোমাৰ সতে বহি
ভাৱনাৰ সাগৰত ডুব যাবলৈ ।
মন যায় সমাজৰ হকে কাম কৰি
আধা দেখা সপোনবোৰ
বাস্তবিত কৰিবলৈ ।
এই মুহূৰ্তৰ পৰাই
তোমাৰ কথা ভাবিম
তোমাক লৈ লিখিম কবিতা
সুস্থ সমাজ গঢ়াৰ
বিচলিত যুৱ চামক
মানুহ কৰাৰ ।
য'ত নাথাকিব হত্যা লীলা
য'ত নাপাব
কেঁচা তেজৰ গোন্ধ
মাথোঁ থাকিব
কেঁচা মাটিৰ গোন্ধ
আৰু সেউজীয়াৰ
ৰঙীন কল্পনাৰ ঘৰবোৰ ।
Comments
Post a Comment